İslam dininə görə İmanın şərtləri

Azerbaycanli

İslam dininə görə İmanın şərtləri: Allahın (c.c.) peyğəmbərlərinə iman

Peyğəmbər sözünün lüğəti mənası “xəbər verən” deməkdir.

Dini termin olaraq isə “Allah Təalanın qullarına dinlərini bildirmək üçün vəzifələndirdiyi seçilmiş insanlar” mənasına gəlir. Peyğəmbərlər Nəbi və Rəsul olaraq iki yerə ayrılırlar. Yeni bir kitab və şəriətlə ümmətinə göndərilən peyğəmbərlər Rəsul, özündən əvvəlki peyğəmbərlərin şərəfinə bağlı olanlara isə Nəbi deyilir. İlk peyğəmbər Hz. Adəm (ə.s.), sonuncusu isə Hz. Məhəmməddir (s.ə.s.). Bu iki peyğəmbər arasında saylarını ancaq Allahın bildiyi qədər peyğəmbər göndərilib. Qur’anda isə onlardan 25-nin adı verilib, 3-nün isə peyğəmbər olduğu dəqiq deyil.
Peyğəmbərlərin ən böyük xüsusiyyətləri heç bir zaman yalan danışmamaları, doğru sözlü, sadiq, etibarlı olmaları, üstün zəkaya, anlayışa, ağıl və dərrakəyə sahib olmaları, hər cür günahdan uzaq olmaları, yüksək əxlaqlı və namuslu olmaları və onlara vəhy olunan şəriət hökmlərini olduğu kimi insanlara çatdırmalarıdır. Bunlar bütün peyğəmbərlərin ortaq xüsusiyyətləridir. Ancaq hər bir peyğəmbərin də özünəməxsusluğu olub.
Peyğəmbərlərə iman etməmək, Allaha (c.c.) iman etməməkdir. Çünki Allaha iman etməyi öyrədənlər peyğəmbərlərdir.
Unutmamaq lazımdır ki, hansısa bir peyğəmbərə inanmaq onun dininə girmək demək deyil. Yəni bir müsəlman Hz. İsanın (ə.s.) peyğəmbər olduğuna inanırsa, bu həmin müsəlmanın xristian olması demək deyil. İmandan əlavə, hər bir dinin də öz şərtləri var və həmin dinə girmək üçün o şərtləri də qəbul etmək lazımdır. Onu da qeyd edək ki, bütün insanlar Hz. Məhəmmədin (s.ə.s.) dininə girməyə məcburdur. Çünki İslam ən sonuncu dindir və ondan sonra heç bir din olmayacaq. Necə ki, eyni mövzuda qəbul edilən ikinci hüquqi akt birincini qüvvədən salır, eləcə də sonradan göndərilən din özündən əvvəlkinin hökmlərini qüvvədən salır. Çünki ən sonuncu daha mükəmməldir.

Zaman.az
_________________
Azeri.net Ailəsi --->Ekart -- Xəbərlər -- MP3 -- Chat -- .: Super Azərbaycan videoları :.

I Love Azeri.net

Forumda siqaret çəkmək qəti qadağandır.