Elariz Məmmədoğluna qonorar vermirlər?

mahsum_

Müğənni Elariz Məmmədoğlu Rafael İsgəndərov, Coşqun Rəhimov, İlqar Nəbiyev, Tahir və Cabir İmanovlar tərəfindən parodiya olunmağını normal qarşılayır. Onun fikrincə adlarını sadaladığımız aktyorlar peşəkarlardır: “Qeyri-professionallar məni heç vaxt parodiya etməyib. Onlar mənim xətrimi istəyən adamlardı. Mənə sataşa-sataşa əksinə məni hörmətə mindirirlər. Bu uşaqlar Azərblaycan estradasında olan müğənnilərin yalnız 5-6 nəfərini parodiya edirlər. Həmin müğənnilərdən biri də mənəm”.
Yeri gəlmişkən, E.Məmmədoğlu dəfələrlə komik filmlərin qəhrəmanı olub: “Filmlərə dəvət alanda, çəkilirəm. Təki imkanlar genişlənsin, filmlər çəkilsin. İmkanlı şəxslər aktyorlara, müğənnilərə, rejissorlara pul buraxsınlar”.
Müğənni söhbət əsnasında bildirdi ki, sponsor filmlərinə çəkiləndən sonra ona qonorar vermirlər: “Mən indiyədək çəkildiyim filmlərin heç birindən qonorar almamışam. Biz hələ o həddə çatmamışıq ki, yüksək səviyyəli film çəkək, baş rolun ifaçısına 50 milyon, digər obrazlara isə 10 milyon dollar pul verək”.