Daxil ol: Apr 02, 2004 Mesajlar: 646 Şəhər/ölkə: Bakı / Azərbaycan 14204.2 Xal
Göndərilib: B. Yan. 21, 2007 12:54 am Mesaj mətni: İradə İbrahimova
1980-cı il aprel ayının 3-də İbrahimovlar ailəsində 2-ci bir qız
dünyaya gəldi. İkinci dəfə ailə öz körpəsinin işıq üzü görməsinə
sevindi. Adını İradə qoydular. İradə ailədə dünyaya göz açan 3
qızdan ortancılı oldu. Hələ uşaq vaxtlarından ailədə azdanışan,
sakit təbiətli olan bu qızın hərdənbir qonşu uşaqların təşkil
etdiyi "konsert proqramlarındakı" çıxışları çox təəcüblə
qarşılanırdı. Balaca, zərif, mehriban və utancaq qızın əlinə
mikrofona bənzər bir əşya alıb konsert verməsi utancaqlığı ilə
üst-üstə düşməsə də daxili, qəlbdən gələn arzu, istək, başqa
sözlə desək Allahtəalanın ona bəxş etdiyi istedad yavaş-yavaş
özünü biruzə verirdi. Qonşular onun gözəl səsinin vurğunu idilər.
Hətta onun belə bir təxəllüsü də var idi - Zeynəb Xanlarova.
1995-ci ildə Azərbaycan Dövlət televiziyasındakı "Ümid-95" adlı
müsabiqə, İradə İbrahimovanın professional səhnəyə ilk vizit
kartı oldu. Böyük bacısının və xalasının yardımı ilə bu müsabiqədə
laureat olan İradə artıq seçəcəyi yolu müəyyən etmişdi. Ancaq
ana-atası onu tam başqa peşə sahibi kimi görmək istəyirdilər.
Valideynləri onun bu çıxışlarına, hətta ara-sıra qohum-qonşu
məclislərində oxumasına belə keçici həvəs kimi baxırdılar və
hesab edirdilər ki, bütün bunlar övladlarının uşaqlığından qalan
xoş bir xatirə olacaq. Atalar yaxşı deyib "sən saydığını say, gör
fələk nə sayır." Bir müddət musiqiyə ara verən İradə orta
məktəbin son siniflərində ciddi olaraq instituta hazırlaşır.
Məktəbi bitirdikdən sonra test imtahanları versədə ali
məktəbə qəbul ola bilmir. Növbəti il "Xəzər" universitetinin
jurnalistika fakultəsinə daxil olduqdan sonra yenidən musiqiyə
qayıdır. Az-az televiziya ekranlarındakı çıxışları tanış-bilişin xoşuna
gəlsədə, İradənin istiqamət aldığı yol heç də birmənalı
qarşılanmırdı. Lakin zaman keçdikcə deyəsən hər şey öz yerini
alırdı. Günlərin birində növbəti qohum məclisində çıxış edən
İradənin istedadını görən əməkdar artist Bilal Əliyev onun şou
proqramlarda iştirak etməsi üçün valideynlərindən icazə istəyir.
Əvvəllər "bizim nəsildən artist çıxmayıb" - deyə iradını qəti
bildirən Vəlihət kişi bu təklifdən sonra bir az yumşalır və elə
oradaca öz xeyir-duasını verir. Beləliklə İradənin qayğılı və
maraqlı, bir xeyli məsuliyyətli karyerası başlayır. Onu da qeyd
edək ki, İradə İbrahimova hazırda Dillər Universitetinin Filologiya
fakultəsində oxuyur. Təhsilinin qiyabi alması ona sənətini və
təhsilini bir arada sürdürməyə imkan verir. Hələ subay olan bu
gənc xanım tam qüvvəsini sənətinə yönəldib. İradə
İbrahimovanın təbiincə desək, "Gərək ailə-uşaq sahibi olana
qədər karyeramı müəyyən bir nöqtəyə çatdırım ki, sənəti
ailəmə qurban verəsi olsam nəvələrimə danışmaq üçün sözüm
olsun". _________________
Bu forumda yeni mövzu aça bilməzsiniz. Bu forumdakı mesajlara cavab verə bilməzsiniz. Bu forumdakı mesajlarınızı düzəldə biməzsiniz. Bu forumdakı mesajlarınızı silə bilməzsiniz. Bu forumdakı sorğularda səs verə bilməzsiniz.
Prosto kak vseqda krasavicca 
