men tarif istirem

zekican · Göndərilib: Ş. Yan. 19, 2008 1:39 am Mesaj mətni: men tarif istirem

türkiyeden aktarırım
men baki deyken
yediğim
DÜŞBEREnim tarifini istiyerem

şimdiden çok sağolun

Anel · Göndərilib: Ş. Yan. 19, 2008 3:21 am Mesaj mətni:

Ərzaqlar:
adambaşına 100 qr. qoyun əti, 40 qr. un, yumurta, yarımbaş soğan, bulyon, keşniş, quru nanə, duz, istiot, 10 qr. üzüm sirkəsi (zövqə görə sarımsaq).
Hazırlanması:
Düşbərə üçün ətin sümüklü hissəsindən bulyon bişirilir. Sonra qoyun əti çəkilir, ona soğan, keşniş və ədviyyat qatılır.
Una su və duz (bəzən xəmirə yumurta da vurulur) tökülür, bərk xəmir yoğurulur, təxminən 1mm-ə qalınlıqda yayılır, 3x3 sm ölçüdə kvadrat şəklində kəsilir, hər kvadratın ortasına 4-5 qr. çəkilmış ət qoyulub düşbərə bükülür. Düşbərəni iki üsulla bükə bilərsiniz:
1. kvadrat ortadan qatlanıb ucları geriyə dartılır.
2. kvadrat üçkünc şəklində qatlanıb küncləri geriyə dartılır.
(Düşbərə büküldükdən sonra yüngülcə ələkdə silkələnib artıq undan təmizlənməsi məsləhətdir)Sonra düşbərəni süzülmüş qaynar bulyona tökürük. Düşbərənin bişmə vaxtı 5-6 dəqiqədir, hazır olduqda düşbərə adətən suyun üzünə çıxır.
Süfrəyə verilən zaman düşbərənin üstünə quru nanə səpilir, yanına ayrıca qabda üzüm sirkəsi və ya sarımsaqlı sirkə qoyulur.
_________________
Blogum: Mürəkkəb dolu qələm.

Anel · Göndərilib: Ş. Yan. 19, 2008 3:27 am Mesaj mətni:

Amma bəzi bölgələrdə belə bir üsulla da bişirilir:
Hazırlanan bulyona yağda qovrulmuş və tamat eləvə edilmiş soğan qatılır. Və bundan sonra isə bulyona hazırladığımız düşbərə əlavə olunur.

Bu qədər, mən bildiklərimi yazdım. Umarım kolay ve leziz bişirirsiniz. Bu bizim çox dadlı xörəklərimizdəndir.
_________________
Blogum: Mürəkkəb dolu qələm.